شرجیل خان کی قومی ٹیم میں واپسی میں حائل رکاوٹیں دور!پاکستانی شائقین کرکٹ کیلئے بڑی خوشخبری آگئی

لاہور(نیوز ڈیسک) سپاٹ فکسنگ کے الزام میں سزا یافتہ شرجیل خان نے بحالی پروگرام میں شرکت کے لیے پی سی بی کو خط لکھ دیا ہے۔پی ایس سیزن 2 کے آغاز میں سامنے آنے والے سپاٹ فکسنگ کیس میں سزا یافتہ شرجیل خان پر پابندی کی مدت 10 اگست کو ختم ہو رہی ہے، اوپنر پر ڈھائی سال معطل سمیت 5 سال کی پابندی عائد کی گئی تھی، بہتر رویہ کی وجہ سے معطل سزا کا اطلاق نہیں ہوا، کسی بھی سطح پر کرکٹ میں دوبارہ واپسی کے لیے شرجیل خان کو پی سی بی کے بحالی پروگرام میں شرکت

کرنا ہوگی، شرجیل خان نے اس کے لیے پی سی بی کو خط لکھ دیا ہے۔شرجیل خان کو بحالی پروگرام میں اپنی غلطی کا برملا اعتراف کرنے کے ساتھ پی سی بی اینٹی کرپشن یونٹ کے تحت پروگراموں میں نوجوان کرکٹرز کو فکسنگ سے بچاؤکے لیے لیکچر بھی دینا ہوں گے۔یاد رہے کہ اسی سپاٹ فکسنگ کیس میں شرجیل خان کے ساتھ خالد لطیف، شاہ زیب حسن اور محمد عرفان بھی سزا پا چکے ہیں جب کہ اسی کیس میں سہولت کاری کے ملزم ناصر جمشید پر بھی 10سال کی پابندی عائد کی گئی تھی۔