آسٹریلیاکے ہاتھوں بدترین شکست، پاکستان ٹی ٹونٹی ٹیم نمبر ون رہے گی یا نہیں، آئی سی سی نے نئی رینکنگ جاری کردی

پرتھ (مانیٹرنگ ڈیسک)آسٹریلیا کے ہاتھوں عبرت ناک شکست کے باجود پاکستان دنیا کی نمبر 1 ٹی ٹوئنٹی قرار، آئی سی سی کی جانب سے جاری کردہ تازہ ترین رینکنگ کے مطابق قومی ٹیم تاحال پہلے نمبر پر براجمان، جبکہ کینگروز کی ٹیم دنیا کی دوسری بہترین ٹیم بن گئی۔ تفصیلات کے مطابق آئی سی سی نے ٹی ٹوئنٹی کرکٹ کی تازہ ترین رینکنگ جاری کر دی ہے۔جاری کردہ رینکنگ کے مطابق پاکستان آسٹریلیا کے ہاتھوں شکست کے باوجود اب بھی دنیا کی نمبر 1 ٹیم ہے۔ جبکہ آسٹریلیا اب رینکنگ میں دوسرے نمبر پر آگئی ہے۔ دوسری جانب پرتھ میں آسٹریلیا کے ہاتھوں 10 وکٹوں کی شکست کے ساتھ 2019 ءپاکستانی ٹی

ٹونٹی ٹیم کےلئے ڈراؤنے خواب کے ساتھ اختتام پزیر ہوا۔ورلڈ رینکنگ میں نمبر ون پوزیشن پر موجود پاکستانی ٹیم 2019ءمیں ایسوسی ایٹ ٹیم کی مانند کھیلتی نظر آئی ۔پرتھ میں 10 وکٹ کی شکست کے ساتھ پاکستان کرکٹ ٹیم نے مسلسل فتوحات سے محرومی کے 7 میچز مکمل کر لیے جو پاکستان ٹیم کا ٹی ٹونٹی میں جیت کےلئے سب سے طویل انتظار بن گیا ،پاکستانی ٹیم نے جنوبی افریقا کےخلاف سیریز کا آخری میچ جیتا تھا جس کے بعد اسے انگلینڈ سے واحد ٹی ٹونٹی میں شکست ہوئی، پھر سری لنکاکی بی ٹیم سے ہوم گراؤنڈ پر 3 میچز میں وائٹ واش ہوئے اور اسکے بعد آسٹریلیا سے پہلا میچ بارش کی نذر ہونے کے بعداگلے دونوں میچز میں اسے شکست کا سامنا کرنا پڑا۔یہ 2010 ءکے بعد پاکستان ٹیم کا فتوحات سے محرومی کا سب سے لمبا انتظار ہے، 2010ءمیں پاکستان ٹیم مسلسل 6 میچز فتوحات سے محروم رہی تھی۔پاکستان نے سال کا آغاز اور اختتام نمبر ون ٹیم کی حیثیت سے کیا لیکن تلخ حقیقت یہ ہے کہ گرین شرٹس پورے سال میں محض ایک ٹی ٹونٹی میچ جیت پائے۔2019 ءمیں پاکستان نے دس ٹی ٹونٹی میچز کھیلے جن میں سے 8 میں اسے شکست ہوئی، ایک میچ بے نتیجہ رہا جبکہ صرف ایک میچ میں ہی اسے کامیابی حاصل ہوئی۔ یہ بات بھی قابل ذکر ہے کہ 2019ءمیں پاکستانی ٹیم تین مختلف کپتانوں شعیب ملک، سرفراز احمد اور بابر اعظم کی قیادت میں میدان میں اتری لیکن کوئی بھی ٹیم کو سیریز کی کامیابی نہ دلواسکا۔